Механик

Токарь

Бұл жұмысшы күрделі механизмдер мен өнеркәсіптік жабдықтар үшін металдан, ағаштан немесе пластмассадан бөлшектер жасайды. Токарьлық білдектегі кескіш құралдардың көмегімен мастер дайындамалардан барлық артық заттарды алып тастайды және оларға қажетті пішін береді. Токарь ішкі және сыртқы бұрамаларды кесіп, тесік бұрғылай алады немесе бөлшектің бетін тегістей алады.

Жұмысшының көзі өткір және көзмөлшері жақсы болу керек, қозғалыс үйлесімділігі, кеңістікті пайымдау және техникалық тұрғыдан ойлау маңызды.

Токарь не істей алуға тиіс:

• техникалық сызбаларды оқу; 
• мамандандырылған жабдықта жұмыс істеу; 
• әр тапсырмаға  дұрыс құрал таңдау; 
• ерекше күрделі токарьлық жұмыстарды орындауға байланысты есептеу жүргізу;
• штангенциркуль немесе микрометр көмегімен жасалған бөлшектердің өлшемі мен сапасын бақылау.

Сандық бағдарламамен басқарылатын білдек операторы 

Кәсіпорындарда әртүрлі материалдардан бөлшектер жасап, өңдеу үшін сандық бағдарламамен басқарылатын (СББ) білдектер қолданылады. Мұндай автоматтандыру өндіріс тиімділігін едәуір арттырады. Бірақ бұл білдектерді реттеу, күтіп ұстау және оларға дұрыс жұмыс параметрлерін қою үшін дайындалған оператор қажет. Ол белгілі бір материалды өңдеу технологиясын нақты түсінуі керек, 2D және 3D модельдеуді білуі керек, бағдарлауды білуі керек, мұқият және ұқыпты болуға тиіс. Жұмысы табысты болуы үшін оған математика негіздерін білуі және өлшеу құралдарымен жұмыс істей алуы пайдалы болады.

СББ білдек операторы не істей алуға тиіс:

• машинаны жұмысқа дайындау;
• техникалық сызбаларды оқу және талдау; 
• бөлшектердің сызбаларын дайындауға дәл өлшемдерге аудару; 
• өңдеу құралдарын калибрлеу; 
• басқару жүйелерінің көмегімен машиналардың жұмысын бақылау; 
• қолмен өлшеу құралдарын қолдану.

Слесарь

Өнеркәсіптік жабдық қаншалықты қымбат және заманауи болса да, слесарь болмаса, оның бәрі жақын арада пайдасыз темір үйіндісіне айналады. Бұл мастер механизмдердің қолданылуын ұзартады: ол құрастырады, бөлшектейді, жөндейді және реттейді, оларды сынайды, ағашты, металды және пластмассаны өңдейді және олардан бөлшектер жасай алады. Негізінен слесарьдың жұмысы – қол еңбегі, сондықтан мұндай маман үшін физикалық күш пен төзімділік, жақсы көзмөлшер, кеңістікті пайымдау маңызды. Ол ең қиын мәселелерді шығармашылықпен шешуге тиіс, тапқыр және есте сақтау қабілеті өте жақсы болу керек. Оған математика, физика, химия және сызу туралы білім де өте қажет болады. 

Слесарь не істей алуға тиіс: 

• техникалық сызбаларды оқу; 
• қол және механикаландырылған құралдарды қолдану; 
• әртүрлі күрделіліктегі бөлшектер мен олардың шаблондарын жасау; 
• қауіпсіздік техникасын сақтау.